Aizawl : Champhai district level committee on SEDP chu nimin khan an Chairman, Cha- mphai Bawrhsap James Lalrinchhana hovin an thukhawm a. Chhungk- aw tinzawna kalpui SE- DP thawhkhatna kalpui dan thlirletin, thawhhnihna kalpui dan tur te sawiho bawk.
Village level committee on SEDP te tan a thawhhnihna kalpui tan hmaa training buatsaih tha an ti a, Village level committee siamrem dilna lutte an ngaihtuahho hnuah an pawm.
SEDP thawhhnihna dawng thei tur rawtna thlen hun hnunhnung atan tun thla ni 30 an ruat a, Village level committee chu hun bi- tuk chh- unga rawtna an neihte District level committee-a thehlut hm- an vek turin an chah a. Dilna lutte chu district level coommittee-in a enfel hnuah May ni 15 ral hma in online por- tal-ah a dahlut dawn a ni.
SEDP thawhhnihnaah hian MLA bial pakhat atangin hamtha- tna dawngtu tur mi 1400 zel thlan chhuah tur a nih thu sorkar thuchhuah chuan a tarlang a. Champhai district-a MLA bial 3 – Champhai North, Champhai South leh East Tuipui bial atangtein a vaiin beneficiary 4200 thlanchhuah tur a ni.
SEDP thawhhnihnaah hian Champhai district-ah line department 8 – UD&PA, Agriculture, Animal Husbandry & Veterinary, Horticulture, Sericulture, Fisheries, Commerce & Industries leh Land Resources, Soil & Water Conservation department-te awm tura ruahman a ni.
Champhai dist level committee on SEDP-in a tarlan danin, Champhai district-ah Village level committee 68 din a ni a. SEDP thawhkhatnaah MLA bial tin atangin beneficiary 1500 thlan chhuah niin, an vaiin beneficiary 4,500 an awm a. Beneficiary boral leh rokhawlhna avanga siamrem ngai 7 te tih loh chu line department hrang hrang ten tanpuina first installment leh second installment an pe chhuak tawh a ni.
Champhai Bawrhsap chuan line deptt. hotute chu an deptt. chan hnuaia SEDP dawngtute hmalak dan tha taka en zui turin a chah a. Nakin zel atana enfiah tlak leh felfai a nih ngei theihna tura uluk taka inkaihhruaina duan anga SEDP chu kalpui turin a chah.
SEDP chu department scheme dang te nen pawha kalkawp tir theih a nih avangin hemi kawnga zirchianna nei theuh turin Bawrhsap chuan a chah a. Hun bituk ang zela kal thei tura hmalakna tur chhawpchhuahte ngaipawimawh tur leh lo inruahman lawk thiam turtein a chah bawk.