Thil thleng danglam takah Assam-a Kamrup Metro district, Guwahati khawpui, Borjhar police outpost huam chhungah nizan hmasa khan Indian Air Force (IAF) sipai nia lemchang mi 11 man an ni.
Heng mite hi MES veng an tih, Guwahati thlawhna tumhmun bul lawkah tumhmun pana an kal laiin man an ni a. Thuneitute chuan IAF mi anga changte hi zan dar 9:30 velah man an ni tih an sawi.
Heng mi mante hi Drimon Krishna Goswami, Ganesh Das, Kaushik Bhuyan, Joymoni Sharma, Bijoymoni Sharma, Jnanendra Das, Saurabh Das, Saurabh Sharma, Ripunjoy Goswami, Dwijen Sharma, Rupam Sharma leh Nayan Jyoti Goutam an ni tih thuneitute chuan an sawi a. An zavai hian thalai tak tak vek an ni bawk.
Guwahati city police commissioner Munna Prasad Gupta chuang an mi manten hetianga lem an chang mai hi eng nge a chhan ni ang tih an chhui zui mek zel tih a sawi.
“Kan man chhuah hnuah hian an tih chhan hi kan chhui zui mek zel a. Kan chhui zawh hma chuan engmah sawi theih kan la nei lo,” tiin Gupta chuan a sawi.
Guwahati city police-in an chenna in dap a ni a, hetah hian Air Force lehkha lem eng emaw zat an hmu a. Thu zawh fiah zui mek zel an ni bawk.