NBA Playoffs first round inkhel Thawhtanni zingah chhunzawm a ni a. Inkhel pali atangin seeded sang team an tlawm vek.
Los Angeles Lakers in Memphis Grizzlies court-ah 128-112 in hnehna an chang a, 1-0 in best of seven series-ah hma an hruai.
Lakers tan an roster a star player ni lote an che tha a. Rui Hachimura chuan point 29 leh rebound vawi ruk la in Austin Reaves-a’n hun pawimawhah offence hma a hruai bawk a. Point 23 a score.
Los Angeles Clippers in West a finals khel tura rin hlawh Phoenix Suns chu 115-110 in an hneh bawk a. Kawhi Leonard chuan point 38 Clippers tan hian a thawh.
Kumin a champion tura rin tawh Milwaukee Bucks chu 130-117 in Miami Heat lakah an tlawm a. Heat tan Jimmy Butler chuan point 35 a score laiin Bucks star Giannis Antetokounmpo chu minute 11 bak a inkhel thei lova, Bucks in a awm loh an tuar.