Aizawl: MNF Adviser Dr R Lalthangliana chuan, “Vawi khat pawh minister la ni lo tan chief minister nih tum ngawt mai chi a ni lo,” a ti.
Nimina Mizo Hnam Run inkhawmah Dr R Lalthangliana chuan party thenkhat chu fel fai em emin, serafim anga sorkar din an tum chu thil theih a nih loh thu a sawi a. “Keini chuan kan fel loh ang angin mi rethei kilkhawr ber thlengin, zu leh drugs-in a tihbuaite pawh kan enkawl zel ang,” a ti a, vawi khat pawh minister la ni lo tan CM nih tum ngawt mai chi a nih loh thu a sawi.
Social media politics buaithlak a tih thu sawiin, “Sorkar thiltih a chhe lai pho chhuaka mipui ngaihdan tichiri zawnga thiltih hi tun hmain a awm ngai lo. Belhchian dawl lova sorkar tuma sorkar beihna hi thil tha lo tak a ni. MNF pawh kan tlin lohnaah inngaidam tawn ila. Kei ngei pawh hi min ngaidam teh u,” a ti.
Health minister hian, “Healthcare pawisa Rs. vbc 70 vel kan ba pawh thla tharah budget-a Rs. vbc 60 kan dah atangin eng emaw zat bill pek chhuah ka beisei,” a ti.