AZL: ZPM Working President K Sapdanga chuan patling ngaihdan thu dik dinchhuahtir tumna hi sumin a lei thei lo a ni tih Lunglei khawpuiah fiah a nih thu a sawi.
ZPM chuan nimin khan Zemabawk Bazar-ah Zemabawk LC bye-election lo awm tur campaign kharna hun hmangin K Sapdanga hian thu a sawi a. “Khawvel awm hma atangin van indona a lo awm tawh a, kan hma lawkah khan Lungleiah indona a awm a, sum thiltihtheihna leh sum ni lo thiltihtheihna a indo a ni,” a ti.
K Sapdanga hian suma patlingin a ngaihdan a hralh thin chu dik duhna hmangin tihtawp a nih tak thu a sawi a. Zemabawka LC bye-election fiahna awm turah pawh diknain hnehna a chan an beisei tih a sawi.
Er. C. Lianlunga, Observation Team Chairman kaihhruai inkhawmah hian ZPM PAC member TBC Lalvenchhunga, Vanlalsailova leh Jeje Lalpekhlua te pawhin thu an sawi.