NABARD leh Wo- rld Vision India tangkawpin thingtlang a retheite dawmkanna atana an hmalakna pa- khat Women’s Self Help Group Variety Store (Gram Dukan) Venglai, Lunglei ami, Obadia SHG te enkawl tur chu nimin khan Lunglei Bawrhsap Ra- mdinliani’n a hawng.
Lunglei Bawrhsap Ramdinliani chuan dawr hawng satliah lova SHG hlawhtlinna leh a than len zel na tur zawka he hun hi hmanpui a nih thu a sawi a. Mizoramah SHG ti tha tak tak karah ti mai mai an awm laiin, a ti tha engemawzat dawk chhuak an awm mek chu lawmawm a tih thu a sawi a. Sorkar puihna hmang tangkai thiam te chu mi vannei, mi dingchhuak an ni thin nia sawiin, an than len zelna tur chu SHG te taimaknaa a inghah thu leh tanpuina a tawp veleha chaurau mai an nih chuan mi nep ber an ni tihna a nih tur thu a sawi.
Phai lam hmun the- nkhatah SHG hmanga chhungkua an chawm theih chuan lehkha thi- am tamna ramah SHG an hlawhtlin theih loh- na chhan tur a awm loh thu Bawrhsap chuan a sawi a. “Kan thil zaw- rh leh packing te mawi zawk leh mi hip zawka siam a pawimawh” tiin, tih tak taka ti turin leh taimak chhuaha hlawhtlinna chang ngei turin SHG kalkhawmte chu a chah bawk.