April 16, 2023 zana Phura khaw nu, Nangkhawching (48) thattu nia rin, a pasal, Paduwong chu Thawhtanni zan dar 10 khan Phura Branch MTP-ten an man.
Nangkhawching hi April 17, 2023 zing dar 7 khan Phura khaw chhung leilet zawlah puana tha taka khuhin thia chhar a ni a, a hmai vel a duk nasa hle a, a nakruh ding lam pahnih a tliak a, a mit ko vei lam pawh zau vak lovin a kak a, an hmuh lai hian a hnar atangin thisen pawh tlem tete-in a la chhuak nia thudawn a ni.
Paduwong hi a nupui ruang an chhar tuk atanga bo avangin a thattua ngaih a ni a, Phura M|P Sub-Hqrs chuan a zawn hna thawk nghalin, khaw tinah duty indahin khaw chhung a paltlang ngam an rin loh avangin khaw kar kawng leh dai hel theihna tur nia rinna pawh an veng a. A awmna tur nia rin leh a tlan bo theihna khân leh luikawrte an zawng niin thudawnna chuan sawiin, April 17 zan 10 velah Tòkalò leh Palà khaw inkàra Sakana lui hnàrah hmuin an hual bet a, an man ta nia thu dawn a ni.