Royal Challengers Bangalore in Indian Premier League record thar an siam teuh zanah hnehna an chang thei lova, Chennai Super Kings lakah run 8 in an tlawm.
RCB hian over hnuhnung berah run 19 chak turin an mamawh a, mahse an mamawh run an siam thei lo. Hlawhtling se kum 2020 a Rajasthan Royals in Kings XI Punjab hneh tura run 224 an umphak chu an khum dawn a, IPL chanchin a target um hlawhtling sang ber an ni ang.
Vuak hmasak tir CSK tan Devon Conway chuan ball 45 atang run 83 siamin Shivam Dube chuan run 52 a siam bawk a, over 20 chhungin run 226 an siam.
RCB tan hian captain Faf de Plessis chuan ball 33 atang run 62 siamin Glen Maxwell-a’n ball 36 atang run 76 a siam bawk a. An team beisei siam hman viau mahse an hlawhtling zo lo.
CSK bowler Tushar Deshpande chuan wicket thum a la ve bawk a ni.