Aizawl : Chhimphei Focus-in damlo harsate tanpuina atana concert an buatsaih atanga an sum hmuh Rs 35,750 chu nimin khan ZMC, Falkawn poor fund-ah an chhunglut.
Chhimphei Focus hian ZMC poor fund-a chhunluh turin March 31, 2023 khan Sateek Futsal ground-ah concert an buatsaih a, heta an sum hmuh Rs 35,750 chu a bo a bâng awm lovin Chhi- mphei Focus hnuaia Concert organising co- mmittee Chairman Lalrindika’n ZMC Director Dr John Zohming- thanga kutah a hlan.
Chhimphei Focus President T Zolian- a’n an pawl din chh- an chu chhimphei (Hualngohmun leh Sailam inkar) huam chhunga puih ngai te tan engemaw kawng tala malsawmna ni tura hmalak a nih thu a sawi a. Tuntuma tanpuina an hlan tak chu an hmalakna hm- asa a nih thu sawiin, an concert buatsaih kaltlanga damlo har-sate tana sum thawhtu zawng zawng te ava- nga an lawmthu a sawi.
Chhimphei huam chhunga khuate chu lui pathum – Tlawng, Tui- rial leh Tuirivang lui hnara awm an nih thu sawiin, tuihna hum ha- lh, ramngaw leh nung- cha humhalh, faina leh thianghlimna lama hmalak te pawh an tum thu a sawi bawk.
ZMC Director Dr John Zohmingthanga pawhin an damdawi in-a damlo awm zinga khawsak harsate puihna tura Chhimphei Focus-in tanpuina sum an tha- wh chu an lawm takzet thu a sawi a. Chhimphei Focus hmalak zelna turah duhsankna a hlan bawk a ni.