Aizawl : MZP computer center-a CCC cou- rse a thlawna zirchhuak hmasaber mi 60 zinga a ti tha zual mi 10-te hnenah nimin khan lawmpuina sum hlan a ni.
MZP computer center hawn a nih khan ICT Minister Robert Romawia Royte-in batch hmasa bera zirlai titha mi 10-te hnenah cash award a pek tur thu a lo sawi tawh angin, nimin khan cash award hi sem a ni ta tih MZP hruaitute chuan an sawi.
Central Reserve Police Force (CRPF) 225 Bn. in civic action programme atanga he computer center cheithat hna an thawh pa- wh nimin vek khan CRPF 2 i/c Raja Ram Tokas-a’n a hawng bawk.
MZP computer center hi kum 2022 kumtawp lama din niin, NIELIT-in zirtir hna an thawk a. Zirlai harsate tana a thlawna computer zirna tura buatsaih niin, batch hmasa berah 60-in an zir a, batch hnihna 100 vel an exam mek a. Batch thumna admission tih leh mek a ni.
MZP chuan Robert Romawia Royte, ICT Minister-in zirlai tithate tana pawisa a thawh avang leh CRPF-in Computer Center cheithat hna an thawhsak avanga an lawm thu an sawi.