Sinlung Hills Council (SHC) huaihawtin nimin khan Sakawrdai-ah SHC huam chhûng bial 12-a miharsa, in chung chhe tawh leh in chung khuhna nei lo te hnenah in chung tur rângva sem a ni.
Rangva sem chhuah hi bandle 362 niin, SHC Chief Executive Member (CEM) Lalthlamuana Hmar chuan SHC Council Member te hnenah rangva hi semin, an ni hian an bial ṭheuha a dawngtu tur te hnenah an hlan ve leh dawn a ni.
SHC CEM chuan “SHC hruaitu ten mipui hmasâwnna tûr ruahmanna hrang hrang siamin, kawng tam takah hmasâwnna kan hmu tawh a; kan la hmu zêl dâwn,” a ti a. SHC huam chhûng bial tina miharsate tâna rangva sem theia an awm chu lâwmawm a tih thu sawiin, SHC hmasâwnna tûr a ngaihtuahsak avangin Mizoram sorkar chungah lawmthu a sawi bawk.