Aizawl: Supreme Court-a Advocate-on-Record (AOR) ni turin JC Lalnunsanga a inziak tling a. Mizo zinga a hmasa ber nia hriat a ni.
Supreme Court-ah hian AOR kaltlang lovin eng thubuai mah put luh leh sawi theih a ni lo a. AOR ziak thei tur hian Supreme Court-ah kum li practise-a Senior AOR hnuaiah kum khat training leh a ngai.
Supreme Court-a practice mek, JC Lalnunsanga hian kum 2008 khan Mysore University hnuaiah BAL, LLB a zo a. Mumbaia Corporate firm-a thawh pahin LLM (Corprate Law) kum 2010 khan a zo leh a. Phaiah leh Supreme Court-a rei vak lo a practise hnuin Mizoramah a practise chhunzawm a. Kum 2020 atang khan Supreme Court-ah practise chhunzawm lehin a nupui fanaute nen Delhi-ah inbengbel mah se, Mizoram lamah law firm a neih tho avangin Delhi, Guwahati leh Aizawl a kartawn reng thin.
JC Lalnunsanga hian Mizorama thubuai pawimawh leh lian tak takah a lo ding tawh a. Burma mi tih avanga Saikhumphai khaw hnawhchhuah turah hnenah a chang a. Chakma leh Mizo MBBS seat-ah inchuhna thubuaia Mizoram zirlaiten central leh NEC quota MBBS seat tha tha 45 an chan mai turah Mizoram sorkarin ruaiin Gauhati Principal Bench ah hnenah a chanpui tawh bakah, Covid-19 len laia Mizoram chhim mipuite tana RT-PCR laboratory an neih theih nan Delhi atanga PIL file a, hnenah chanpuitu a ni bawk.
Tunah hian a mi mal case avanga Mizoram lama ding reng thovin, Mizoram Public Service Commission (MPSC) Standing Councel leh Lok Ayukta Special Public Prosecutor a ni mek.