Mizorama tlawngai pawl lian pathum – Central Young Mizo Association, Central Young Lai Association leh Mara Thyutlia Py General Hqrs. hruaitu mi 66 te Lungleia thukhawmin Myanmar leh Bangladesh atanga râltlan te chhinchhiahna felfai tak siam țha an ti a. Chu chhinchhiahna chauh chu sorkar emaw pawl dang emaw pawhin hmang se an duh thu an sawi.
Inkalpawhna kawn- gpui siam țha tawk lo, a bîkin chhim lam tlângdunga kawngpui siam te chu tun aia țha leh tlo zawka siam a nih theihna tura hma- lakho an rawt a. Tlaw- mngai pawl pathum te hian, inpawhna țha leh zual a awm theihna atan, inkhawmpui lian an hmanna-ah in palai tawn a, chanvo in pek tawn țhin țha an ti bawk.
He thutkhawmah hian CYMA ațangin President R. Lalngheta hovin OB te leh CEC member an vaiin mi 30 an tel a. CYLA ațangin an President HC Vanlalruatpuia hovin OB-te leh CEC member an vaiin mi 16 an telin, MTP Gen. Hqrs ațangin an President Israel-a hovin OB-te leh EC member an vaiin mi 8 an tel.