Kum 2000 tir lama zaithiam lar tak ni thin Aaron Carter thihchhan dik tak puan a ni ta a, drugs a ei hnu-ah a inbualna (bathtub)-ah tihpalh thil thu-ah a pil hlum.
Backstreet Boys member Nick Carter-a nau ni bawk hi nikum November 5 khan a chenna Lancaster, California-ah thi-a hmuh niin, kum 34 mi a ni.
Autopsy report-ah a thihchhan dik tak tarlan a ni ta a, drugs a buaipui hnu-a a nghawng lo awm chiai chiai chu bathtub-ah hian tui-a tipiltu ah tangin, kum naupangte niin khawvel a chhuahsan.
A damdawi ei leh buaipui hi ‘Alprazolam’ tih a ni a, Xanax hming ang pawha hralhchhuah thin niin, hei hi a taksa chhungah hmuh a ni.
Carter hi 90s tawp lam leh 2000 tir lamah khan album pali a tihchhuah atangin copy maktaduai tam tak a hralhchhuak a, debut album a tihchhuah lai hian kum 9 mi lek a la ni nghe nghe.
Album pahnihna, ‘Party (Come Get It) chu 2000 kum khan tlangzarh niin, triple platinum a kai nghal bawk.