Aizawl: AMC Ward III Corporator C Lalchhandami chuan a bial chhung veng pangaah luikawr leh ruama bawlhhlawh tlingkhawmte paih dan tur enin nimin khan a fang.
C Lalchhandami hian Ramhlun North, Ramhlun Venglai, Ramhlun Vengthar, Ramhlun Sports Complex leh Laipuitlang ten faina lama hma an sawn zel theih nan leh ward huam chhunga luikawr leh ruama bawlhhlawh tlingkhawmte paih dan turte en felin ward chhung a fang a. Laipuitlanga property tax return 2022-23 hmanga Rs 1,01,000 senga vantlang step siam, ‘R Romawia Step’ leh Ramhlun Sports Complex-a waiting shed Rs. 66,000-a siam zawhte a tlawh nghal bawk.
Hmun hrang hrang a tlawhnaah C Lalchhandami hian property tax return hi mipui chhiah petute tan tangkai tak leh langtlang taka hman tur a nih angin mipuite tan a bo a bang awm lova hman thin a nih thu a sawi.
Hei bakah a ward chhunga zirlai harsa lehkhabu leina nei lo, tanpui ngai mi 40-te hnenah tanpuina Rs 40,000 a pe bawk.
Corporator hi AMC Ward III Sanitation Committee OB te, Local Council Sanitation Committee te leh ZPM Unit hruaitu ten an tawiawm a ni.