India-a a vawi khat nan, zirbingmite chuan Arunachal Pradesh-ah sava chi khat, Finch an tih huanga a chi (species) la hmuh ngai loh an hmu.
Bombay Natural History Society (BHNS)-a zirbingmite hian sava chi vâng tak, three-banded rosefinch hi tun hnai khan an hmu chhuak.
India-a sava chi thar hi Sela Pass an tih, Tawang leh West Kameng district inkara an hmuh chhuah a ni.
Zirbingmite hian three-banded rosefinch hi a inkawp, a nu leh a pa an hmu a. An hmuhna hmun, Sela Pass hi tuipui zawl atanga metre 3,852-a sang a ni a. Coniferous forest an tih hmuna mi a ni.
Three-banded rosefinch hi Fringillidae sava chhungkuaa mi a ni a, he chhungkuaah hian chi 200 chuang a awm.
A tlangpui thuin China ram lailiah an cheng nasa a, helai hmun hi temperate forest a ni a, hei hi an chen tamna ber a ni bawk.
Arunachal Pradesh-a hmuhte hi sava dangte nen an awm a, white-browed rosefinch pawh a tel.
Zirbingmite chuan three-banded rosefinch an hmuh pahnih hi China atanga Bhutan-a pem tum awm khawmuang tak an nih an ring.
He sava nen hian India-ah hian sava chi 1,340 zet a awm tihna a ni ta a ni.
Kuminah ringawt pawh hian sava chi nga vel India-ah hian hmuh belh a ni tawh.