Aizawl : Mamit district level coordination committee on civil registration system of births & deaths chu nimin khan Mamit Bawrhsap VL. Re- mliana hovin an thutkha- wm a. Tul leh pawimawh hrang hrang an sawiho.
Damdawi in-a nau nei zingah damdawi in an awm chhunga an fate hm- ing sa hman lo an awm thin chuan birth certificate pekchhuah kawngah har- satna a thlen thin thu an sawi a. “Damdawi in-a an awm chhung ngeiin nau hming sa thei hram thin se, a nih loh vek pawhin chhui zui leh awlsam nan damdawi in-a deaths & births registrar leh thawk tu ten naute nu leh pa hming leh address bakah an phone number chiang takin chhinchhiah se” an ti.
Naupiang hming la neilote birth certificate pekchhuah theih an nih loh avangin hemi chung- changa harsatna awm thin sutkian nan district research officer te pawhin khawtina an registrar of births & deaths te hmang tangkai leh zual se, an ti.
Digitized births & deaths certificate chung- chang pawh sawihovin, a duh apiang tan Rs. 220 chawiin DRO office-ah tih theih a nih thu an sawi a. Phai lama awm tul te tan a tul thin avangin harsatna an tawh loh na tura ti theuh turin an ngen.
Birth certificate-a hming, nu leh pa hming, pianni leh thla-te chu tihdanglam mai mai theih a nih tawh loh avangin mipuite chu uluk leh fimkhur turin an chah.