Aizawl : Chakma Autonomous District Council (CADC) inthlan lo awm tur chun -gchangah nimin khan District Election Officer, Lawngtlai Bawrh- sap David Lalthantluanga hovin election official, LADC leh CA- DC-a Executive Secretary-te, state sorkara department hrang hra- ng official-te, BRTF aiawh leh mobile service provider-te Lawng- tlai-ah an thukhawm.
He thutkhawmah hian CADC inthlan lo awm tura inbuatsaihna hrang hrang inhrilhfiahin, inthlan felfai leh muanawm a awm theih na turin department leh agency hrang hrang ten mawhphurhna leh tih tur an insem a, hmalak dan tur te an sawiho nghal.
State election commission chuan CADC inthlan hun atan May ni 9, 2023 ruatin, tun thla ni 17-a inthlan puan a nih atangin CADC huam chhungah model code of conduct pawh hman nghal a ni a. May ni 11, 2023-ah vote chh- iar tura ruahman a ni.
CADC-ah hian M- DC bial 20 awmin, polling station 70 a awm mek a. Vote nei mipa 18208 leh hmeichhia 17677, an vaiin mi 35,885 an awm bawk.
Lawngtlai DEO chuan inthlan felfai leh muanawm a awm theihna turin department hrang hrang leh mawhphurhna hrang hrang nei te chu an kova tla mawhphurhnate tha taka hlen chhuah tum theuh turin a chah a ni.