Aizawl : AMC Ward III bialtu Corporator C Lalchhandami’n a biala veng panga – Ramhlun North, Ramhlun Venglai, Ramhlun Vengthar, Ramhlun Sports Complex leh Laipuitlang ten faina lama hma an sawn zel theihna tur leh ward huamchhunga luikawr leh ruama bawlhhlawh tlingkhawm paih dan tur te enfelin a tlawh kual.
Laipuitlanga property tax return 2022-2023 Rs. 1,01,000 senga vantlang hman tur ‘R Romawia Step’ siam leh Ramhlun Sports Complex-a Rs. 66,000 senga waiting shed siam zawh te pawh tlawhin a enfiah a. A bial chhunga zirlai harsa mi 40 te hnenah lehkhabu leina tur pein lehkhabu leina atana a pek chhuah zawng zawng hi Rs 40,000 a ni.
C Lalchhandami chuan property tax return chu chhiah petute mipui tan tangkai tak leh langtlang taka hman tur a nih angin mipuite tan a bo a bang awm lovin an hmang thin niin a sawi.
AMC Ward III bialtu Corporator hi Ward III Sanitation Committee OB te leh Local Council Sanitation Committee ten an tawiawm a ni.