Aizawl: Mizoram Excise & Narcotics department chuan tunhnaia zu leh ruihhlo an man, court-a chinfel tawh, dan anga tihral theih Rs 14,09,13,395 man hu chu nimin khan Bethani Multipurpose Farm, Phunchawng-ah an tiral.
Zu leh Beer leihbuak leh ruihhlo halralna hun hi Excise & Narcotics Minister Er. Lalrinawma hova neih a ni a, zu leh beer an leihbuak te chu wiskhy um puitling 2397, um chanve 90, 180ml um 50 bakah rum um puitling 501, um chanve 1, beer 650ml um 24 leh beer 500ml can 1525 te a ni a, zu leh beer leihbuak zawng zawng hi Rs 37,63,550 man hu nia chhut a ni.
Zu leh beer bakah hian ruihhlo chi hrang hrang – Heroin kg 30.053, Ganja kg 34.240, Methamphetamine mum 978264; Alprasil mum 130910, Alprazolam mum 1226, Tramadol mum 200, Pseudoephedrine mum 246083, Dextropropoxyphene capsule 21 leh Codein based cough syrup bottle 57 te halral a ni a. Ruihhlo chi hrang hrang te hi Rs 13,71,49,845 man hu a ni thung.