Aizawl : MZP hruaitute leh zirtirtu pawl hrang hrang aiawhte nimin khan MZP conference hall-ah thukhawmin, Mizo zirlai ten Mizo history, nunphung leh nun ze mawi zirlaibu atanga an zir tam zawk theihna tura hmalakho dan tur an sawiho.
MZP hruaitu leh zirtirtu pawl hrang hrang aiawh kal- khawm chuan “nu leh pa leh aia upate laka nun dan mawi lantir chu Mizote tihdan phung a ni a, a Pathian thu bawk a, thangthar ten kan chhawmnun zel theih nan, tanlak tlan zel ni se” an ti a. Khawvel hnam tinin hnam history leh nungphung an ngaipawimawh anga Mizote pawhin Mizo nunphung leh tihdan tha khawvel hnena hriattir zel tura zirlaite leh thalaitea tanlak an rawt.
Hmasawnnain a ken social media hrang hrangah te Zonun ze mawi, aia upa zahna, tawng- kam hawihhawmin hmun a chan zel theihna tura zirlaite leh thalaitea tanlakho zel an rawt a. Elementary atanga higher secondary syllabus hman mekah Mizo history, Mizo nunphung leh Zonun ze mawi tam zawk telh a nih theihna tura hmalak ho zel an rawt bawk.