Norway sorkar meuh pawh a lungawi lohna film ni mah se, an mahni ramah ngei mai India film enhlawh ber a ni lawi bawk si a, Rani Mukherjee channa, ‘Mrs. Chatterjee vs Norway’ film hian Norway mipuite thinlung a hneh.
Kum 2011 a thil thleng behchhana siam, he rama child welfare serice, ‘Barnevaren’-in Mrs Chatterjee fate, enkawl tura an lak hnu-ah harsatna neuh neuh awm chhovin an nupaa Indian sorkar meuh inrawlh tir thei a, kum hnih chhungzet an beih hnu-a an fate nena an intawhkhawm leh dan tarlanna film hian boruak a nei sa hle.
Norway sorkarin nau neih leh naupang enkawl (fa atana lak) chungchanga an khirh uchuak dan em emin khawvel a barakhaih zui viau mai bawk a, India leh Norway sorkar pahnih pawh an inpe na hman hle a ni.