Oriflame MFA Cup group A inkhelah Nilaini khan TMFC, Melbuk leh Khawzawl Vengthar GSA ten hnehna an chang.
Khawzawl a khelh mek inelnaah inkhel hmasa zawkah Sihphir Venghlun FC leh TMFC te an inkhel a. Eliazer Vanlalchhanhima chuan goal hnih khungin Robena, Lalrohlua leh Lalnunsanga ten goal khat theuh an khung a. TMFC hi 5-1 in an chak.
Sihphir Venghlun tan Lalmuansanga’n goal khat a khung a. Huntawp dawnah red card an hmu bawk.
Inkhel hnuhnung zawkah Project Veng FC lakah Vengthar GSA te 2-0 in an chak a. Benjamin Lalruattluanga chuan goal hnih a khung.