Khawvel chanchina lalnu langsar Queen Cleopatra chu Netflix docudrama series-ah mihang (black african) anga lantir a nih vangin Eygpe mipui tam tak an thinrim.
Lawyer pakhat chuan Egyptian identity nawhreh ral thak tumna leh media kalphung kalh tlatah puhin thubuai a thehlut.
Archeologist lar pakhat chuan Cleopatra hi mihang a ni lova, vun eng no nei a ni, a ti.
Hetih lai hian producer lam chuan a nihna dik tak chungchanga inhnialna leh thu inchuhna a awm fo tawh thin a, ‘In lungawi loh chuan en lo mai rawh u’ a ti bul hmak.
Adele James thutawp siam hi twitter lamah post a nih ang ngeiin comment a ngaihnawm zui viau a, chi leh vun rawng inthliarna bakah inhmuhsitna chhiar tur a tam.
Cleopatra hi BC 69 khan Egypt khawpui Alexandria-ah a lo piang a, a pa Ptolemy XII lalna ro chunin, BC 30 thleng khan ro a rel a. Hemi hnu hian Egypt hi Roman kut hnuaiah a tlu lut.