Ultimate Fighting Championship chuan karleh a inelna a buatsaih turah main event a tidanglam a. Bantamweight bout-ah Song Yadong leh Ricky Simon te an intum dawn.
April 29 a Las Vegas a UFC Fight Night neih turah hian tun kartawp fight card a tel tura tih Song vs Simon hi sawn hlat a ni.
Thla tawp Fight Night-ah hian lightweight-ah Renato Moicano leh Arman Tsarukyan te inhmachhawn chu main event tura tih a ni a, mahse Moicano inhliam avangin a thleng thei dawn lova, a aiawh thei tur UFC in an hmu remchang hman lo.
Simon hi a zawna vawi nga chak lai a ni a, a khingpui tur Song hi a zawna vawi thum chak lai niin 135 pound fighter beiseiawm ve ve an ni.