Milwaukee Bucks in an thiampuipa Giannis Antetokounmpo tel lovin hnehna pawimawh tak an chang a. Eastern Conference Playoffs first round-ah Game 2-ah hnehna changin 1-1 in series-ah an intluk.
Bucks in an team khaipa ber chhawr thei lo mahse a tel lovin an kheltha viau a. An shooting that viau zanah 3 points vawi 25 lai an lut.
Hun pawimawhah Bucks tan Brook Lopez a che tha a, point 25 score in Jrue Holiday chuan 24 a thawh ve thung a. Miami hi 138-122 in an hneh.
An squad pumpui an mamawhna inkhelah Milwaukee hian 3 points atang vawi 49 an shoot atang vawi 25 an lut a, NBA record dinglai an tluk. Game 1 pawh a an khelhtir loh Pat Connaughton chuan point 22 score in 3 vawi ruk a lut a, hei hian player-ten hnehna an chan theihna tura an tanrualzia a lantir.
Inkhel dangah Western Conference lamah Memphis Grizzlies pawhin an All-Star point guard an chhawr thei lova, mahse Ja Morant tel lovin Los Angeles Lakers chu 103-93 in an hneh tho.
Grizzlies tan hian Xavier Tillman chuan point 22 leh rebound 13 a la a. Series-ah 1-1 in an inhnehtawk mek.