Korean series lar, ‘Boys Over Flowers’ -ah kum 11 mi lek nia inlan, a hnu-a K-pop star ni zui ta Moonbin chu kum 25 mi niin a thi.
Seoul khawpuia a chenna In-ah a manager chuan biak hlei theih lova a awm chu hmu fuhin thuneitute a hriattir nghal.
Police sawi danin, Moonbin hi amaha intihlum ni ngeiin a lang a, tunah hian a thihchhan dik tak hriat tumin autosy kalpui mek a ni.
Amah enkawltu Fantiago label chuan rin loh leh beisei loh takin khawvel a chhuahsan a, van-ah arsi a ni zui ta, tiin thuchhuah siamin an ui thu an tarlang.
Moonbin hi 2000s khan naupuang actor leh model angin lemchan khawvelah a zuanglut tan a, 2009 khan kum 11 mi lek niin Korean drama series lar zet mai, ‘Boys Over Flwers’-ah a inlan leh a, kum 18 a nihin 2016 khan boy band lar Astro zawm lehin, rimawi leh lemchan khawvelah hming a chher chiang hle.