Indian Premier League season kallai a hmahruaitu ni mek Rajasthan Royals in over hnuhnung berah chak turin run 19 an mamawh a. Mahse Lucknow Super Giants pacer Avesh Khan an ngam thei lova, run 10 in Nilaini zanah an tlawm.
Jaipur a Sawai Mansingh Stadium a inkhelah hian run siam tam a harsa a. Royals in chak turin run 155 mamawhin kumina chetthatpuitu Jos Buttler (40) leh Yashavi Jaiswal (44) ten bul tan thatpui mahse wicket a hloh hnuin chhunzawm a har an ti.
Lucknow tan Avesh Khan-a’n hun pawimawhah run a pek tlem bakah wicket thum a la a. Marcus Stoinis chuan wicket hnih a la ve bawk.
Super Giants tan hian Kyle Mayers chuan run 51 a siam a. KL Rahul (39) bakah Nicholas P0oran (29) leh Stoinis (21) te pawhin over 20 chhunga 154 an tlin nan run an thawh.