District & Sessions Judge, Aizawl Judicial District Vanlalenmawia kaihhruaiin nimin khan District Court, Mamit-ah Under Trial Review & Crime Victim Compensation chungchangah thutkhawm a ni.
District & Sessions Judge chuan under trial jail-a tang mekte an tan hun tur bituk hun chanve aia tam tangte bail-a chhuah an nih theih dan ngaihtuah chu a tum ber a nih thu a sawi a, “Case chhui tituten an case chhui chu uluk taka neih thin ni se,” a ti.
Mizoram Victims of Crime Compensation scheme hnuaia dilna lutte ngaihtuah nghal a ni a. Mamit district-ah tunah hian dilna thehluttu 20 awm mekin chungte chu committee hian uluk takin a ngaihtuah a ni.