Philadelphia 76ers chu NBA Playoffs first round khelh mekah conference semi-finals lut teuh ber an ni mek a. Brooklyn Nets lakah a vawi thum nan chakin tling turin vawi khat chak chiah an mamawh tawh.
Zirtawpni zingah 76ers hian Barclays Center-ah Nets hi an hmachhawn a. Team pahnih inkara chak tura rin zawk leh seeded sang zawk an ni.
Nets in theihtawp chhuahin an court-ah bei mahse an dang thei lo. Sixers player pawimawhte chhaih thinrim tumin an bei thin a, an hlawhtling teuh.
James Harden chu third quarter-ah hnawhchhuah a ni a, Joel Embiid pawhin a khel zo lo ve teuh hle.
76ers tan Tyrese Maxey chuan point 25 score in Harden-a’n minute 29 a khelh chhungin 21 a thawh a. Embiid-a’n point 14 leh rebound 10 a la ve bawk.
Game 4 hi zanin dar 10:30-ah an khel ang.
Inkhel dangah NBA champion lai Golden State Warriors in game hmasa pahnih an tlawm hnuah hnehna an chang a. 114-97 in Sacramento Kings an hneh.
Warriors tan Steph Curry chuan 3 points vawi 6 lutin point 36 a score a, point 20 score Andrew Wiggins chu offense leh defense-ah a tangkai hle bawk.