A zawna match nga an tlawm hnuah Delhi Capitals in kumin Indian Premier League-ah hnehna a vawikhatna atan an chang a. Wicket li in Kolkata Knight Riders lakah an chak hram.
Arun Jaitley Stadium a inkhelah Delhi chak dan a awlsam bik lo. Vawm hmasak thlangin an bowler te an che tha a, KKR hi over 20 chhungin run 127 chiah an siam tir. Delhi bowler pali in wicket hnih aia tam an la a, Pali in 5 aia hniam economy rate an nei bawk.
Mahse chak tura 128 chiah an mamawh chungin anni pawhin run an siam chak thei lo. Run 57 siam captain David Warner out hnuah phei chuan a muang zual a. Nimahsela over 19.2-ah Axar Patel leh Lalit Yadav ten a tawp an thlenpui thei.
KKR bowler zingah Varun Chakravarthy, Anukul Roy leh Nitish Rana te che tha in wicket hnih theuh an la.