Lunglei district Congress party thalai (LDYCC)-in tun thla ni 19 zinglam dar 2 vela Lunglei District Jail atanga mi tang 5 tlanchhuak ten Lunglei khawpui leh a chhehvel mipui an tiralti niin an sawi a. Mizoram sorkarin Lunglei district Jail a hlamchhiah avang leh a tih tur a tih loh avanga he thil hi thleng nia an ngaih thu an sawi.
LDYCC chuan mitang tlan chhuak an awm avang hian Ningani khan Lunglei District Jail chu tlawhin, thil thlen dan an enfiah niin an sawi a. “Awlsam taka mi tang panga an tlanchhuah thei chhan hi Mizoram sor- karin Lunglei district Jail a hlamchhiah avang leh a tih tur a tih loh vang ni ah kan ngai” an ti.
Lunglei District Jail-ah hian thawktu mi 23 awm turah mi 13 chauh an awm mek nia sawiin LDYCC chuan Medical duty tur pak- hatmah an awm loh thu an sawi a. Nurse pa- khat an neih ve chu Serchhip-ah attached a nih thu leh Pharmacist pakhat an neih pawh kumin January-a a pension hnu ah a aiawh tur tun thlenga dah an la nih loh thu an sawi.
LDYCC chuan Lu- nglei District Jail hian Ambulance pakhat a neih thu leh motor dang an neih loh thu sawiin, driver pek an nih loh vangin emergency thila Ambulance khalh tur pawh warden atanga pawh chawp thin a nih thu an sawi.
Lunglei District Jail chu mi 100 tan theih na tur a nih laiin mipa 134 leh hmeichhia 16, an vaiin mi 150 an tang mek niin LDYCC chuan an sawi a. “Tang an tlanchhuah theih thin chhan hi thawktute inthlahdah vang ni lovin, thawktute indaihloh vang leh sorkarin a tih tur a tih loh vangah kan ngai a ni” an ti.
LDYCC chuan Lunglei District Jail chu a building hrim hrim pawh thawmthat ngai tak vek niin an sawi a. Thawktute chenna quarters te pawh a tlakbal nasat thu leh thawktu ten an thaw- mțhat țhin thu an sawi.
Duty post pasarih awm zingah Mizoram Home Guard-in duty post pathum chauh an luahlum thei nia sawi- in, duty indaihlohna hi remchangah lain, duty awmlohna post zawn chu mi tang ten tlanchhuah nan an hmang thin niin LDYCC chuan an sawi a. Lunglei District Jail-ah Mizoram Home Guard duty tur a rang thei ang bera dah belh turin Mizoram sorkar an phut.
Lunglei District Jail-in harsatna an tawh hrang hrang te chu nikum May ni 18 khan a hmunah chhui chiangin, an lo tlang- aupui tawh tih LDY- CC chuan sawiin, “kum khat dawn a nih hnuah pawh an harsatna tawh te chu Mizoram sorkarin sutkiansak ahneka thawktute a hma aia indaih lova an dah hi Mizoram sorkar hian Lunglei District Jail a ngaihthah zia a tilang chiang” an ti a. Lunglei district mipui ralmuanna tura Lunglei District Jail chu thuam țha tur leh ngaihsak tura Mizoram sorkar an phut chu an sawi bawk.