Home Minister Lalchamliana’n District Jail, Lunglei-a jail tlawhin a tul anga tihchangtlun a nih tur thu a sawi.
Home minister hian Inrinni khan District Jail, Lunglei ward hrang hrangte leh Superintendent Office te a tlawh a, jail-a thawktu dah belh a tul thu leh Superintendent Office tihzauh a tul thu a hnena an lo thlen te leh, jail hungna thawm that ngai laite a theih anga hma lak nghal a bawhzui a tum thu a sawi.
April 19, 2023 zinga jail tang tlanchhuahna an tih hmunte en fiahin jail tangte harsatna tawh leh tawh loh a zawt a. Jail tangte hian ei leh in, tui chungchangah te harsatnna an tawh loh thu an lo hrilh a, superitendent leh thawktuten jail dinhmun an lo thlente ngaihthlain a theih anga bawhzui a tum thu a sawi.
Minister hi John Neihlaia IGP, Ramdinliani, DC Lunglei, Rahul Alwal, SP Lunglei ten an tawiawm.