- Lallunghnema, Charity Lodge
Tun tum chu ka lehkhabu hmasa ber 2004- a ka tihchhuah Consumer Eng a thupui pakhat hi ka rawn chhawp chhuak e. Kum 19 zet a liam ta reng mai! Hun kal tawh thlir kir lehna, retrospective a ni ber.
Tunlai chu ka active theih loh laiin ln complaint chi hrang hrang ka dawng nasa ang reng hle lawi mai a. Kan Dawr, E.B.Enterprise DC Court Road a mi hi Gas Consumer Union kan tihlai ata tawh, keini Consumer te tana ‘Jerusalem a lo nih thin avangin, tun thleng hian Consumer te zinga harsatna tawktuten an la pan reng a ni. Chung complaint ka dawn te chu ka buaipui tan leh mek a, chung zingah chuan KEKAWR THUI DIK LO, THLENG LEH THEIH LOH thu hi a ni a.
Chu chu hei hi a ni. Kan thianpa, Bawrhsap pisa a thawk chuan, “Pu Hnem, ka lo kal thin a, i awm thei lo lutuk a, engemaw i tih thin le? Hmuh che ka duh teh a nia a ti a. Enge ni ta? Aaa kar hmasa inrinni khan kekawr a lei a, a tawt lutuk a, a ha tha thei mang tlat lo mai a, siam that ngaihna kan hre bawk si lo. Va thleng leh kan tum lahin dawr neitu lah chuan a lo phal i khaw lo mai a. Kan rilru a na hle mai, tih ngaihna kan hre lo hle mai, kan rawn pun duh che a ni. Consumer hotute in chet a ngai a ni,” tiin a mangan thu min hrilh a. Kei chuan chu kekawr tawt tengtung pawh in ha phak lo a ni maw? Sum pawh in seng thlawn a nih dawn chu. Eng pawh ni se, in be leh ang, ka ti a.
He thu ka sawi chhan ber chu hei hi a ni. Dawrkai te hian bungrua chu an ta a ni a, an hralh thin ngei mai. Mahse, a leitute hian sum an seng a ni. Man to tak, man itawm takte pawh a ni thei, sum seng ve ve an indawr a ni. Tichuan, sum sengtu ve vete chu an in tihlawm tawn a tul ta a. Dawrkai leh sumdawng tute hi lal an ni hauh lo mai a. A lal zawk chu an mahni dawrtu, bungrua leisak tute an ni.
“Kan India Hnam Pa Mahatma Gandhi kha Consumer te hmakhaw ngaitu mi ropui tak a ni. Ani khan heti hian a ti,”I dawra lo leng lutte chu lo be chhe ngai reng reng suh, anmahni tel lo chuan i nung thei lo tih hria ang che”, tiin. Tuna kan Prime Minister Vajpayee pawh hi tlangval hnahkhat ni mahse, chhangchhe pa vei ang chu a vei pha hle tho mai tih hi a chiang em em a ni. Consumer- te harsatna hre chiangtu a ni. Ka hriat sual loh chuan nikum hmasa lawk khan India ram state zawng zawngte hnenah, ‘bungraw lei tawh hnu a kir leh theih tawh loh,’tih thu thil hralhtuten an tih fo hi sawi tawh loh tur. Bungraw lei thuah a leitute an lungawi loh chuan inbiak remna neiin thleng theih ngei tur a ni. He thu hi sawi tam turin State tina Chief Minister- te a hriattir thin a ni.
Hetiang a lo nih tak phei chuan, keini thil leitute leh hmangtute hian kan thil leina a cash memo lain thawmhnaw kan lei a nih pawhin kan ha chhin thin tur a n.
“Tin, dawrkaiho pawhin keini dawrkaiho pawh hi duham lutuk lo ang u, engtin nge min dawrtu te hi kan lal te an ni si laiah hian kan lo biak that loh fova, kan tih lawm zawk loh? Cash memo te hi miin an phut lem loh pawhin pek hreh loh a tha. Customer tana tha, dawrkai tan advertisement tha tak a ni tho si.
“Tunah pawh hian heta ka sawi ang hian miin puan a thuitir a, chu puan thui man chu tailor ni ringawt lovin, amah dawrtu, a thuitirtu pawhin a man a tel tur a ni, hlim takin thawmhnaw chu a ha anga, lawm takin a awm ang. A mut te a lo tui anga, kawppui (nupui /pasal)tha tak te a hmuh phah ang, a chaw ei te pawh a tui em em dawn a ni. Chutiang ni lova, in lei (purchased) tawh in tlan (delivered) tawh kan thui tha hman tawh lo, ti ringawt a,an lo inchhan mai chuan kan inhmu sakhin kan in mu-ar tawh dawn a. Puan thui thiam pawh chuan a hlim rei phah chuang lo ang. Chuvangin tun a kan thupui neih mek hi intilawm tawn nun a nih avangin kristian tan a tul em em a. Ram mipui chanvo humhalhna atan rangkachak tha mi a ni ang.
Sawi tur a tam kan sawi seng tawh lo, hlawh pawh kan la ve ngai si lo. Kekawr tawt lutuk hak tawh lo tur a ni mai. Kan pian te lah hi a nalh ve si a…