Rapper Kanye West a inhnuhdawh hnu ah Rapper dang Afroman chuan 2023 US President inthlanpui a chuh dawn tih a puang.
Hla lar tak, ‘I Got High’ thlawhtu Joseph Edgar Foreman (Afroman) hian President atana thlantlin a nih chuan an rampumah cannabis (marijuana) zalen taka phalrai a ni ang, a ti bawk. Tunah hian thil tul leh pawimawi ang angte chu Federal Electionis Commission-ah a thehlut tawh a, POTUS nih ngei tumin independent angin a ding dawn.
Thla hmasa khan Afroman hian engvanga POTUS office luahlum a tum tia zawhna chun, “American beiseina hi ka chanvo a nih ve tho avangin he ram mawi leh duhawm tak tana ka tih theih zawng zawng tih ka tum a ni. Ka ngaihdan chuan state 50-ah cannabis hi legal taka kalpui ka duh a, chu bakah police reform pawh hi a tul hle bawk.
“Tin, he ram mipuite mental health chungchanga harsatna te nen lam tanpui theih dan ka zawng dawn a ni,” tiin a chhang.