Naga hel pawl, NSCN (K)-a inhmang nasa tak chu Ningani khan Arunachal Pradesh-a Changlang district-ah venhim hna thawktute hnenah a inpe.
Hel inpe hi kum 28 mi, Tuman Havi a ni a, New Khamlang khua, Changlang district-a cheng a ni.
Havi-a hi an pawlah hian sergeant a ni a. Changlang police, Indian Army leh CRPF hmaah Miao police station-ah a inpe tih Changlang SP Mihin Gamb chuan a sawi.
Kum 2011 khan Havi-a hian NSCN-K hi a zawm a, an pawl kal dan hian a lung a lenin an hmalakna chu a thlawp zawng a nih avangin a zawm niin Gamb chuan a sawi.
Kum 10 zet hel pawlah hian telin ram hnuaiah a chet tlat reng hnuah ralthuam tuna nun dan pangngaia nun a duh leh ta a ni.
Havi-a inpek hi he district-a police leh venhim hna thawktu dangten helho laka beihpui an thlakna rah a nih thu Gamb a sawi a. Tun hnaiah hel pawl chhuahsana thuneitute hnena inpe an awm nual tih a sawi.