Sialkal range development council (SR- DC) huam chhunga pa- wl 9 leh pawl 11 zirlai ti tha zual 13 New Delhi-a kal tur te pualin Inrinni khan SRDC cell office, Venghluiah SRDC Cha- irman, Lengteng bialtu MLA ni bawk Dr. L. Thangmawia hova hun hman a ni.
SRDC Chairman chuan SRDC fund-te chu zirna atan awmze neia hman chhoh mek a nih thu a sawi a. Excursion-a kal tur zirlaite chu taimakna leh tumruhna thar nei tura fuihin, Rs. 2000 theuh a pai bawk.
L. Thangmawia chuan SRDC meeting-in a rel tawh angin kum 2019 April khan zirlaite tan excursion buatsaih a nih tawh thu a sawi a. Covid hripui leng vanga chhunzawm theih a nih loh hnuah excursion neih a ni leh tur chu lawmawm a tih thu a sawi.
Excursion chuan zirlaite khawhawi tizau se a duhsak thu sawiin, zirlaite chu line hrang hranga mihlawhtling an nih theih nan he excursion hi rahbi pawimawha hmang turin a chah.
SRDC Chairman chuan kumin HSLC leh HSSLC exam-a SRDC huam chhung zirna in atanga distinction-a pass te chu smartphone leh laptop pek an nih tur thu a sawi a. SRDC huam chhunga zirlaite tana sak Luangmuala Paite Tribal Girls’ Hostel pawh luah theih thuai a beisei thu a sawi.
A bik taka zirna lam ngaihtuahtu tur hostel & education co- mmittee pawh SRDC hnuaiah kum 2020 March thla khan din a nih thu sawiin, he co- mmittee kaltlang hian hma tam tak lak a nih tawh thu L.Thangmawia chuan a sawi a. SRDC huam chhunga zirtirtu indaihlohna phuhruk tura SRDC fund hmanga zirtirtu rawihsak an nih thin thu a sawi.
New Delhi-a Civil service coaching kal zirlai pahnih cheng nuai chuang ve vea sponsor an nih tawh thu pawh sawiin, NDA interview hmachhawn tur zirlai pakhat cheng nuai chuanga sponsor a nih tawh thu leh chhungkaw harsaa zirlai thiamthei si 40 chuang SRDC-in tanpuina a pek tawh thu te, zirlai 3 technician zir mek a sponsor thu leh fashion designing zirlai 3 a sponsor mek thu a sawi bawk.
Mimbung HSS, Ka- wlbem HSS, Hrianghmun HS leh Vaikhawtlang HS te pawh SR- DC in cheng nuai tela a tanpui vek tawh thu L Thangmawia chuan sawiin, zirna atana SRDC-in nasa taka ke a pen mek thu leh nasa zawka ke pen zel a tum thu a sawi.
L. Thangmawia chuan faina lamah pawh hmalak tan a nih thu sawiin, kumin hian fai inelna SRDC hu- amchhung khua leh institution te tan buatsaih a nih tur thu a sawi.
Literature leh culture lam a hma la turin cultural & literature committee’ SRDC hn- uaiah din a nih tawh thu te, SRDC huam chhunga rangva in- chung la neilote kumin chhunga neihtir vek tura hmalak a nih thu te sawiin, SRDC hm- alakna hrang hrang ah area mipuite tawiaw- mna leh fuihna an dawn avanga lawmthu a sawi bawk.
SRDC area-ah hian khaw paruk – Leng- teng MLA bial chhung khaw pali – Mimbung, Hrianghmun, Teikhang, Kawlbem leh Champhai North MLA bial khaw pahnih – Vaikhawtlang leh Selam te an awm a, SR- DC Headquarters chu Mimbung-ah a awm.