Indonesia-a thil zawngtute chuan January thlaa Java Sea-a mi 62 chuanna Sriwijaya Air thlawhna tlaa voice recorder bo chu an hmu ta.
Thuneitute chuan a chuangte an thih vekna thlawhna tla taa inbiakna chhinchhiahna hi tui chhunga chirh metre khat hnuaiah an hmu tih an sawi a. A chhunga thil awm hai chhuak tur chuan chawlhkar khat vel an la mamawh dawn tih an sawi.
Thuneitute hian ‘black box’ tia an sawi mai an hmuh tak avang hian an tlak chhan hi tlem tal an hriat belh theih an inbeisei.
Flight SJ182 hi Jakarta atanga a thlawh chhuah hnu lawkah a tla zui ta a ni.
Chetsual hnuah ni eng emaw tiah a zawngtute chuan flight data recorder chu a awmna lai an hre thei a; mahse, thlawhna hi tuipuia a thlawh luh mai theih dan an hre chuang lo.
Chhui tawhna chinah chuan a khawlpui (engine) lam fel lo a nih an ring ber a, a thlawhna hi virin tuipuiah hian a inkhawh lut ta niin an ring.