Sriwijaya Air passenger phur hi Jakarta-a tumhmun lian ber atangin January 9 chawhnu dar 2:36 (India-a chawhnu dar 1:06) khan a thlawk chhuak a. Flight SJ182 hi Bornea thliarkara Pontianak pan tur a ni.
A thlawh chhuah hnu lawk, chawhnu dar 2:40-ah biakpawh theih lohvin a awm zui nghal a ni.
Passenger 50 an chuang a, an zingah hian naupang pasarih leh nausen pahnih an tel a. Mi 130 chuan theihna thlawhnaah hian thawktu mi 12 an chuang bawk a. A chuangte hi Indonesian vek niin thuneitute chuan an sawi.
A chetsual lai hmutute chuan vawi khat a puak niin an sawi a. Tui lut miten a fan blade an chhar atang chuan thlawhnain tui a luh thleng hian a dan pangngaiin a khawlten hna an la thawk niin an sawi a, vansanga puak niin an hre lo.
Kum 26-a upa, Boeing 737 thlawhna hi hripui avanga dintir reng a nih hnuah December, 2020 khan thlawk thei turin a fit tawk tih enfiahna a paltlang nghe nghe.
Sriwijaya Air hi kum 2003-a din kha niin Indonesia bakah Asia chhimchhak lam ramah a thlawk kual thin a, thlawhna chuan man tlawm chi a nih avangin a lar hle.