Meghalaya-a West Jaintia Hills district-a tuichhunchhuah siamnaa chhiatna thlengah thawktu mi panga an thi.
Lumpyrtuh-Mihmyntdu-a chhiatna thlengah hian thawktute hi boruak tha hip tur an neih loh avanga thi an ni a, Thawhtannia thil thleng kha a ni.
Thi zingah hian forest department-a officer pawh a tel.
Fire & Emergency Service chuan thawktu dang pahnih chu damin an la chhuak thei hlauh va, Jowai-a damdawi inah enkawl mek an ni.
Special rescue team-in metre 35-a thuk tuichhunchhuah siam lai an hainaah hian chhawng hrang hrangah ruangte hi an chhar tih Fire Service SP A Goenka chuan a sawi.
Police-te chuan forest department-a office leh a mi chhawrten diesel hmar tui pump khawl hmanga feet 30-a thuka tui tling an pump chhuah laiin chhiatna hi a thleng tih an sawi.