- Ruata
A hma atanga kan lo tarlan thin tawh Maruti Suzuki compact crossover lirthei thar tur Fronx chu a man tur puanzar a ni ta a, Rs. Nuai 7.46 atanga nuai 13 (ex-showroom) man bawr vel thleng a awm dawn a ni.
Fronx thar hi a model lineup lamah chuan trim 5 – Sigma, Delta, Delta+, Zeta leh Alpha a awm a, petrol khawl duhthlan tur pahnih – 1.0L turbo leh 1.2L naturally aspirated a awm a ni. A hmasa zawk hian top power 98.6bhp a pechhuak thei a, torque 147.6Nm a nei a, a hnuhnung zawk hian 88.5bhp power leh 113Nm torque a pechhuak thei bawk a ni. Gearbox pathum – 5-speed manual, 6-speed automatic leh 5-speed AMT te duhthlan tur a awm a ni.
Maruti Suzuki Fronx hian 1.2L, Dualjet-AMT gearbox tel hian petrol litre khat hmangin 22.89km a tlan thei a. 1.2L petrol manual gearbox hmang hian km 21.79 a tlan thei bawk a. 1.0L Boosterjet variant hian manual nen km 21.50 leh automatic gearbox nen km 20.01 a tlan thei bawk a ni.
1.2L K-Series Dualjet, Dual VVT khawl hmang te hi Rs Nuai 7.46 – 9.27 inkar man a ni a. 1.0L turbo Boosterjet DI variant man hi cheng nuai 9.72 atanga tan niin, cheng nuai 13.13-ah a kai chho bawk a. Delta leh Delta+ AMT variant hi cheng nuai 8.87 leh nuai 9.27 man inkar a ni a, 6-speed automatic model man hi cheng nuai 12.05 – cheng nuai 13.13 inkar a ni thung a. Heng hi ex-showroom price a ni.
Maruti Fronx thar hi Maruti Suzuki Subscribe kaltlangin hawh theih a ni a, thla tin subscription fee zawng zawng hi Rs. 17,378 atanga tan a ni. Fronx-ah hian rawng chi hnih inpawlh, dual-tone color option hi a top-end Alpha trim 1.0L Boosterjet engine (manual leh automatic gearbox pahnih nei)-ah a awm a ni.
Maruti Fronx Sigma variant hian halogen projector headlamp, steel wheel cover nei, keyless entry and go, dual-tone interior, automatic climate control, fabric seat upholstery, steering atana tilt adjustment, powered windows, hill hold assist, electronic stability program, reverse parking sensor leh hnunglam defogger te a nei a. Maruti Fronx Alpha trim hian heng bakah hian a dang 16-inch diamond cut alloy wheels, dual-tone exterior colours, 360 degree camera, HUD unit, cruise control leh leather wrapped steering wheel te a nei thung a ni.
He compact crossover hian 7.0-inch touchscreen infotainment bakah wireless Android Auto leh Apple CarPlay, OAT, voice assistance, steering mounted controls, Suzuki connected car features, electrically adjustable wing mirror, rear AC vents, 6-speaker sound system, colored MID te a nei a. Instrument cluster-ah wireless charger, driver seat san zawng tihdanglam theih leh thil tha dang tam tak a awm bawk a ni.
Fronx hian himna hmanraw hrang hrang airbag 6, 3-point ELR seatbelt, electronic stability program hill hold assist & roll over mitigation leh Isofix child seat vuahna te a nei a. Company hian Fronx ah hian ‘VILOX’ accessory package an pe a, hei hian hma leh hnung skid plate, red color inserts, side skid plate, a hma leh hnung bumper chei mawi tak, body side molding red insert, ORVM cover, cross-country red dash te bakah thil hrang hrang a keng tel a ni.