Aizawl : Ngopa Group MNF-in Ngopa khuain Mizo rama khawfai ber lawmman leh India ram khaw hrang hrang nuai hnih singnga chuang awmnaa VC tha ber lawmman a dawn avanga lawmawm an tih thu leh chhuanawm an tih thu an sawi.
“Heng lawmman Ng- opa-in a dawn theihna tura mi tangkai Vanlaltanpuia, SDO (C) Ngopa leh a staff te, bialtu MLA Dr. L. Thangmawia, Ngopa VC, NGO leh khawtlang mipuite tanrualna leh inpekna vang liau liau a ni” Ngopa Group MNF chuan an ti a. Heng lawmman dawng thei tura tha leh zung, thiamna leh finna sengtu zawng zawng lawmthu an hrilh.
Ngopa Group MNF chuan “He kan lawmman dawn min lawmpuitu, Ngopa chhehvela khua te leh hmun hrang hrang atanga min lawmpuitute zawng zawng chungah lawmthu kan sawi” an ti a. Ngopa khuain faina kawngah leh khawtlang inrelbawlna kawngah hma a sawn zel theihna tura theih tawp chhuahpuia, thlawp zel turin an sawm bawk.
“Ngopa khuain chawimawina Nopui a dawm hi a chhunzawm zel theih nan leh khawtlang enkawlna kawng hrang hranga entawntlak ni zel turin MNF Group, Ngopa chuan, khawtlang hruaitute leh NGO hrang hrang te duhsakna a hlan” an ti bawk a ni.