AIZAWL : Kum 2022-23 chhungin Aizawl Zoological Park tlawhtu mi 72245 awmin sum hmuh zawng zawng Rs 12,03,120 a tling tawh.
Range Officer Aizawl Zoological Park hnen atanga thudawn danin kum 2022-23 [FY] chhungin Aizawl Sahuan chuan tlawhtu puitling, kum 10 chung lam mi 48828 awmin naupang, kum 10 hnuai mi 23417 an ni a, sahuan tlawhtu zawng zawng hi mi 72245 an awm a ni.
Sahuan tlawhtute a chhunga lirthei parking leh camera man atanga sum hmuh zawng zawng hi Rs. 12,03,120 a ni a, heng sum te hi sorkar sumah chhun luh vek a ni.
Aizawl Sahuan hi chawlhkar tin Thawhtanni atanga Inrinni thleng mipuite tlawh theih tura hawn thin a ni a, Pathianni erawh khar a ni.