Arunachal Pradesh-a Yagrung khuaah Pathianni chhun dar 12:05 khan kangmei chhuakin chenna in pali lai a kang ral vek.
In kangte hi Primary Health Centre (PHC) leh education department-a thawktute luah lai, an quarters a ni.
Kangmei a chhuah chhan hi an bul lawka thing lian tak tluin electric hrui a fuh avanga short circuit insiam vang nia ngaih a ni.
A kan lai hian khawtlang mite chuan in dang a inman kai zel tur dan nan in pakhat, Tagom Tamat-a in chu an thiat a, in tam zawk a kan chhiat loh phah.
“Inhnaih tak taka awm in pali a kang ral vek a, kangthelhtuten an thelh mit a. Thi leh hliam erawh an awm hriat a ni lo,” tiin East Siang Superintendent of Police, Rajiv Ranjan Singh chuan a sawi.
Chhungkaw lite khawsakna tur hian Yagrung, Tekang leh Sibut khuaa chengte chuan mai leh Toku Patta (in chung tur) thawh khawmin in an saksak.
Khaw mite hi thing leh mau, a tluka electric kaihhnawih kangmei siam theite kit turin an inti hlawm bawk.