Manchester United chuan an player pawimawh Bruno Fernandes-a fitness an ngaichang uluk hle a. Naktuk zanah Tottenham Hotspur an hmachhawn hunah a tel ve thei dawn em tih an thlir mek.
Fernandes hi FA Cup semi-final a Brighton nen an inkhelh tumin a inhliam a, a kheimit a tihnat avangin extra-time ah lakchhuah a ni.
Pathianni zanah hian na lutuk tur anga ngaih ni lo mahse Thawhlehni khan a nupui in social media a a tarlan atangin a ke an cher a, tiang a hawl a ngai niin a lang a. Hei vang hian training a zawm leh thuai thei dawn lo nia ngaihna a lian. Club lam erawhin a dinhmun an la tichiang lo.