Aizawl : Aizawl E-II bialtu MLA, Minister of State ni bawk Robert Romawia Royte-in nimin zing khan a biala Chite Venga Convention Centre sak mekin a kentel, Tourism ministry sum Rs nuai 131.94 hmanga Chite lei dawh mek tlawhin a enfiah.
Robert Romawia chuan Chite Convention Centre sak mek pawh tlawhin, hnathawh a chakin a tha nia sawiin, lawmawm a tih thu a sawi a. Chhinga Venga Bethany road-a lei pahnih dawh mek pawh tlawhin, Chhinga Veng chhunga motor luh lohna Bethany Venga motor luh tir chu harsa mahse, a hlawhtlin ngei a beisei thu a sawi.