Aizawl : Zo Reunification Organisation (ZORO)-in Manipur state-a Zofa ten harsatna an tawh thu leh biak in thlenga tihchhiatsak an nih thu sawiin, pawi an tih thu an sawi a. Pathian biak in intihchhiatsak chu sakhaw zalenna palzutnaa an ngaih thu an sawi.
ZORO chuan “Zofate chungah hetiang hi thleng tawh lo se kan duh hle a, kan dem takzet a ni” an ti a. ZORO chu Zofate tana ding a nih tuh sawiin, Zofa ten harsatna an tawk a nih chuan a sukiang tura hma an lak zel tur thu an sawi.
Tunlaia social media hrang hranga Zofate inlungrualna leh inpumkh atna tichhe thei tawngkam mawilo tak tak hmuh leh hriat tur a awm thin pawi an tih thu ZORO chuan an sawi a. Zofate inpumkhatna leh inlungrualna tichhe zawnga tawngkam mawilo tak tak hmang lo turin khawvel hmun hrang hranga awm Zofate an ngen.
ZORO chuan “Zofate te rorelna pakhat hnuaia kan la awm hma chuan mahni awmna theuh min awptu sorkar dan te tha taka kan zawm tlan a ngai” tiin, “kan awmna sorkar dan leh hrai te inzahsaktawn chungin lungrual tak leh inpumkhat takin a awmho theih a ni” an ti a. “Zofate hi hmun hrang hrangah awm mah ila unau kan nihna a bo chuang lova, tawng a inan loh avang te, kan che zia leh duh dan a inan loh avang tea unau kan nihna hi bo ta ni lova, Pathian ruatsa, thisena inzawm unau kan nih hi hre thar leh theuh turin Zoram mipuite kan in ngen thar leh a ni” an ti bawk.