Aizawl : Mizoram State BJP President Vanlalhmuaka’n nimin khan rial tla avanga chhiat tawk Chungtlang khua tanpuina’n silpaulin bundle pathum a pe.
Vanlalhmuaka hian Chungtlang khuaah kalin rialin in a tihchhiat takte hman tur atan silpauline bundle pathum a pe a, he’ng tanpuina te hi Chungtlang khua VCP Vanlalpeka’n a lo dawng a ni.
April 23, 2023 khan Chungtlang khuaah hian ruah leh rial tam tak tla in, chenna in 22 a ti chhia a, chenna in pathum chu luah tlak loh khawpin rial hian a deng chhia a ni.
Chungtlang VCP hian an khuain vanduaina an tawh chungchangah bialtu MLA pawhin thu leh hla engmah a neih loh lai a, BJP State President Vanlalhmuaka’n chhiat tawkte tanpuina atan silpauline tam tham tak mai a pek avangin VCP chuan lawmthu a sawi niin BJP thuchhuahah tar lan a ni.