Prime Minister’s Citizen Assistance & Relief in Emergency Situations Fund (PM CARES Fund) hmangin ram chhunga damdawi in hmun lian tak tak 551-ah oxygen siam chhuahna bun a ni dawn.
Pressure Swing Adsorption (PSA) Medical Oxygen Generation Plant-te hi ramin Covid-19 hri leng avanga oxygen a mamawh belh laiin vantlang hriselna hmunah te siam turin Prime Minister Narendra Modi-a thu rawn angin ruahmanna siam a ni.
Prime minister chuan heng plant-te hi a rang thei ang bera hman theiha peih turin a ti a. Heng plant dinte hi district hrang hranga oxygen mamawhna a phuhruk thei dawn niin a sawi bawk.
Plant-te hi state leh union territory hrang hranga district khawpuia sorkar damdawi inahte din tur a ni a. health & family welfare ministry kaltlanga din tur a ni.
PM CARES Fund hian kumin kum tir khan Rs. Vaibelchhe 201 hmangin damdawi in 162-ah PSA Medical Oxygen Generation Plants din turin a lo ti tawh bawk.