Tottenham Hotspur chuan an club enkawl lailawk tura an tih Cristian Stellini chu Thawhtanni khan an ban a, coach Ryan Mason chuan an club inkhel a enkawl ang.
Spurs hi Pathianni zanah St. James’ Park-ah Newcastle United lakah 6-1 in an tlawm a, minute 21 chhunga goal nga an chhuah avangin an mualpho hle.
Spurs chuan thutlukna an siam chhan lian tak chu Pathianni zana result a nih thu an sawi a. Hei bakah hian Antonio Conte an ban hnuah coach nghet la lalut lo mahse an kaldan a la danglam hleihtheih loh avang nia ngaih a ni bawk.
An player hlui Mason hian kum 2021 khan Spurs hi a lo enkawl lailawk tawh a, Spurs coach ni thei naupang ber a ni.
A hnuaiah hian match sarih khel tawhin vawi li hnehna a chanpui tawh.